Madinaeag-on nga naka-eupad ro Artemis II lunar-mission halin sa Kennedy Space Center sa Florida.
Bandang alas-6:30 it agahon oras sa Pilipinas kat mag-take off ro Artemis II rocket nga nagatuyo nga makalibot sa buean matapos ro 50 anyos.
Sakay kara ro mga crew nga sanday Reid Wiseman, Victor Glover ag Christina Koch kaibahan ro Canadian Space Agency nga si Jeremy Hansen.
Raya ro unang crewed moon mission nga ginpatigayon umpisa pa ko 1972.
Tuyo kara nga maeampasan ro ginbiyahe it Apollo program kun sa siin maga-eayag raya sa bisinidad it buean.
Bago ro pag-eupad hay naayos eon it National Aeronautics and Space Administration (NASA) ro pilang mga aberya nga may kahilabtanan sa SLS rocket’s flight termination system kamana man ro problema sa battery.
May kadasigon raya nga naga-abot sa 1,235 kilometers per hour paagto sa buean.
