Ginkumpirma it Bureau of Immigration nga nakaguwa eon sa nasyon ro asawa ni Atty. Harry Roque nga si Mylah Roque.
Ginpapanaugan it contempt it Quad Committee it House of Representatives si Mrs. Roque kon sa siin ginapaaresto eon man raya bangud sa uwa pagsabat sa subpoena halin sa panel.
Ginpahayag ni Immigration spokesperson Dana Sandoval nga halin pa ko Setyembre 3 hay uwa eon sa nasyon si Mrs. Roque.
Nagguwa eamang ro lookout bulletin para kana it Bureau of Immigration ko Setyembre 16.
Ginpatawag si Mrs. Roque it Quad Committee matapos madiskubre nga ginpirmahan nana ro lease agreement it Chinese nationals nga ginaangot sa iligal nga Philippine Offshore Gaming Operator ukon POGO operations sa Bamban, Tarlac.
Dugang ni Sandoval nga uwa it anumang departure sa andang record nga nakahalin it nasyon ro dating presidential spokesperson nga si Atty. Harry Roque kon sa siin ko Agosto 6 ginpaguwa ro anang immigration lookout bulletin.
