KALIBO, AKLAN — Naga pahaum eon ro Association of Southeast Asian Nations (ASEAN) sa pakikipagpueong kay US President Donald Trump eabi eon sa isyu it Trans-Pacific Partnership (TPP).
Nasayuran nga pilang member-countries ro naapektuhan sigon it pag-atras ni Trump sa TPP nga inisyatibo ni dating US President Barack Obama nga may tinotuyong mapabaskog ro economic ties it Amerika ag ASEAN.
Sa pihak nga parte, madinaeagon nga nagtapos kaina ro ASEAN meeting sa Boracay.
Gin pangunahan ni Foreign Affairs Secretary Perfecto Yasay Jr., ro kauna-unahang major meeting makaron nga dag-un nga nagaserbeng host ag chairman it Foreign Ministers Retreat.
Mag eowas sa foreign ministers ag senior offiicials maghalin sa 10-member countries, nagtambong man sa pueong si ASEAN secretary general Le Luong Minh.
Pila sa mga importanteng isyung gin talakay hay angot sa mga plano sa pagsapinal it framework sa Code of Conduct (COC) sa isyu sa South China Sea nga gina eauman nga magatapos sa katung-anan it dag-un.
