INTERNATIONAL News — Sangka asteroid ro ginabantayan it National Aeronautics and Space Administration (NASA) sa kahawaan ag may masobra sa sang porsyentong tyansa nga tumama sa kalibutan hasta sa Disyembre 22, 2032.
Raya hay gintawag nga 2024 YR4 nga naispatan it El Sauce Observatory sa Chile ko Disyembre 27, 2024.
Base sa kahayag kara, ginaboeobanta nga may kabahoe nga 130 hasta 300 nga tapak ukon 40 hasta 90 metro ro eapad nga kapareho it sangka football field.
Ko nagtaliwan nga buean, naka-abot ro report kay NASA acting planetary defense officer Kelly Fast ag insigida nana raya nga gintumod bilang object of concern.
Ko Enero 29, nagpaguwa it memo ro International Asteroid Warning Network (IAWN), sangka global planetary defense collaboration kun sa siin kaibahan sa posibleng maging impact site ro eastern Pacific Ocean, northern South America, Atlantic Ocean, Africa, Arabian Sea ag South Asia engkaso nga tumama raya sa kalibutan.
Maskin nga maisot ro tyansang 1.6 percent, hugut sa gihapon nga nagabantay ro NASA sa mga hitabu it paghueag it asteroid.
