-- ADVERTISEMENT --
KALIBO, Aklan — Nakalista it zero major crime incident ro Aklan Police Provincial Office (APPO) sa katatapos eamang nga selebrasyon it Kalibo Sto. Niño Ati-Atihan Festival nga nag-umpisa ko Enero 10 hasta it Enero 19.
Suno kay P/Staff Sgt. Jane Vega, tagapaghambae it APPO, nagnaba makaron nga dag-on ro street incidents, kon sa siin, ap-at nga physical injuries ag sangka robbery ro nailista sa sueod it festival zone area ag sangka stabbing incident sa guwa kara.
Paathag ni Vega, naging madinaeag-on ro andang ginhathat nga security plan bangud sa hugot nga pagbantay it mga pulis sa selebrasyon partikular eon sa mga matawong lugar.
Masobra 1,700 nga pulis, soldado ag iba pang grupo ro nagbantay sa selebrasyon.
