KALIBO, Aklan—Dismayado ro mga lider it mga Ati sa isla it Boracay matapos nga owa it mabo-oe nga suporta halin sa natungdan nga ahensiya it gobyerno agud nga masolusyunan ro andang problema sa eugta nga ginapanag-iyahan makaron.
Suno kay Maria Tambo-on ag Romalyn Supetran, mga lider it Ati community nga nag agto sanda sa Metro Manila agud nga makipagpueong sa mga opisyal it Department of Agrarian Reform ukon DAR, apang owa it nabo-oe nga positibong resulta sa andang pagkabaeaka nga mabawi kanda ukon makansela ro gintau nga certificate of land ownership award ukon CLOA.
Ginlaygay sigon it DAR nga atubangon ro protesta nga ginpasaka kontra kanda ag mag-usoy it nagakaigo nga ebidensiya.
Nasayuran nga ro tribu it mga Ati ag ibang indigenous peoples nga naga-istar sa Boracay hay nagapameligro nga maduea-an it parsela it eugta nga gin-award kanda ko tiempo it Duterte administration, sa tunga it alegasyon it pilang claimants nga raya hay owa nagakabagay sa agricultural production.
