KALIBO, Aklan—Eubus nga nagapasaeamat ro Ati Community sa isla it Boracay matapos nga nakaangkon it legislative inquiry sa andang ginapangatubang nga problema angot sa hana nga pagbawi kanda it presente nandang ginaistaran nga eogta nga gin-award sa mga raya sa tyempo ni dating Pangueong Rodrigo Duterte.
Suno kay Maria Tamboon, lider it Aeta Community nga nakit-an nanda ro suporta kanda it mga opisyales it sangguniang panlalawigan kon sa siin ginapahayag nga posibleng may saea ag kakueangan ro Department of Agrarian Reform ukon DAR.
Apang, medyo nadueaan sanda it pag-eaum sa padayon nga pakikipagsukoe sa Certificate of Land Ownership Award ukon CLOA bangud sa pag-insister it DAR sa pagdeny sa andang mga sabat sa petisyon.
Sa pihak nga parte, ginpahayag ni Sister Inna nga uman sandang nakabaton it manifestation nga ipadayon ro pakikipagsukoe nga bukon it suitable ro eogta para sa agricultural.
Apang, padayon sanda nga nagaeaum nga masolbar ro andang problema rason nga naga-apela sanda it suporta sa lokal nga gobyerno it Malay ag sa iba pang natungdan nga ahensya it gobyerno agud nga mataw-an it solusyon ro nagapameligrong mabawian ro mga raya it eogta.
