SPORTS News–Nagsaka paadto sa ikaywang pinakamataas nga ranggo sa bilog nga kalibutan si EJ Obiena pag-abot sa linyada it pole vault base sa pinakabag-ong resultang ginpaguwa it World Athletics.
Ko kan-o eamang kat nakauli it gold medal si EJ halin sa Asian Athletics Championships nga ginpatigayon sa Bangkok, Thailand matapos nana nga makapag-set it panibag-ong record sa 5.91 metro.
Hulyo 2022 kat nagpamayagpag sa ika-3 pwesto sa world rankings si Obiena matapos kara nga madaeahig sa kontrobersiyang ginkakas nana kato sa Philippine team.
Uman nga magasabak si EJ sa Paris Olympics sa 2024 sa ikaywang kahigayunan.
Madumdumang napas-eawan imaw nga makabuoe it medalya sa Tokyo Olympics, kon sa siin nakaangkon raya it mahabang diskusyon sa pilang opisyal para patinguhaan it uman para sa andang ikatlo ag ulihing attempt sa 5.80m.
