Nagpaguwa it warrant of arrest ro Makati City Regional Trial Court Branch 148 kontra kay Atty. Levito Baligod angot sa cyber libel case nga ginpasaka ni Agriculture Secretary Francisco Tiu Laurel Jr.
Ginkumpirma ni Baligod sa sangka social media post nga nabaton nana ro kopya it warrant.
“Kakatanggap ko ngayon ang kopya ng Warrant of Arrest laban sa akin. Nakalusot ang kaso na ito ni DA Secretary Laurel Tiu dahil sadyang MALI ang binigay na address ko sa Piskalya, kaya naman hindi ako nakatanggap ng subpoena at hindi naka-sumite ng counter-affidavit.,” pahayag ni Baligod.
Nag-ugat ro kaso sa mga pahayag ni Baligod angot sa gina-alegar nga paghatud it kwarta nga ginakaeakutan it 18 nga dating aide it puganteng dating mamalidha nga si Zaldy Co.
Suno sa mga dating aide, naghatud sanda it mga maletang may sueod nga kwarta sa pilang opisyal it gobyerno kaibahan ro baeay ni Laurel sa Forbes Park, Makati.
Hugut nga ginpamalibaran ni Laurel ro mga alegasyon ag gintawag ro mga raya nga “pure lies.”
Ginpasaka nana ro cyber libel complaint ko Marso 19, 2026.
