Uman nga magabalik bilang alkalde it New Washington si Atty. Shimonette Peralta- Francisco.
Raya hay matapos nga makabo-oe imaw it kabilugan nga boto nga 14,293 kontra sa anang hugut nga karibal sa politika ag presenteng mayor it banwa nga si Jessica Panambo.
Si incumbent mayor Panambo hay nakabo-oe it 13,602 nga boto base sa partial and unofficial result it Commission on Elections (Comelec) para sa national and local elections 2025.
Ro engkwentruhanay sa eleksyon sa tunga nanday Francisco ag Panambo hay sambilog sa mga pinaka-gina-abangan sa probinsiya it Aklan.
Si Atty. Shimonette hay naging mayor it New Washington umpisa 2016 hasta 2022, apang ginpiyerde ni Panambo sa anang pagpadaeagan para sa re-election ko 2022 nga nagpawakas sa anang pagtinguha para sa anang ikatlong termino.
Si Panambo hay nakalista it 14,218 votes kontra sa 13,941 votes ni Francisco ko May 9, 2022 local elections.
Si Atty. Francisco hay unga it dating New Washington mayor nga si Edmund Peralta.
Samtang, ginpromisa nana nga pila sa anang pagataw-an it atensyon sa uman nga pagbalik sa pwesto hay ro health care programs ag problema it mga tricycle drivers sa andang banwa.
