Gindepensahan ni House Prosecutor ag Bicol Saro Party-list Representative Terry Ridon si Atty. Amando Ligutan matapos nga sitahon ni lead defense counsel Atty. Shiela Sison ro Facebook post kara nga owa ginapasugtan ro misleading questions maskin sa cross examination.
Suno kay Ridon, batyag nana ro pagtangis, kasubo ag hinagpis it depensa sa andang reklamo.
Apang ginpamilit ni Ridon, ginplasar eang ni Ligutan sa anang social media post ro principle of law angot sa misleading questions ag bukon raya it sakop it sub judice rules.
Ginpamilit ni Ridon, owa it ginpangaeanan si Ligutan ag owa man raya it ginmitlang angot sa merito it impeachment case kontra kay Vice President Sara Duterte.
Bangud kara, nagaeaum si Ridon nga igapaiway it impeachment court sa pagdesisyon ro pagtangis it depensa.
Ginpasiguro man ni Ridon nga andang ginarespeto anuman ro tikang ukon magiging desisyon it impeachment court angot sa nasambit nga butang.
