KALIBO, Aklan—Pagaboe-on eon it Australian government ro COVID-19 isolation sa bilog nga nasyon sa maabot nga Oktobre 14.
Ginklaro ni Bombo International Correspondent Denmark Suede it Sydney, Australia nga owa raya nagakahueogan nga tapos eon ro pandemya sa andang nasyon sa baylo hay pagabue-on eamang ro pag-require sa mga pasyenteng nagpositibo nga mag-isolate.
Posible sigon nga ro mabahoe nga porsyento it vaccination rate ro nagtueod sa gobyerno para mas pang haeugaan ro restrictions.
Ginapahayag nga naga-abot eon sa 95 porsyento it mga pumueoyo ro nakabaton it 2 shots it primary vaccine samtang 72 porsyento it populasyon ro naturukan it 1st dose it booster shot kamana man nga 41 porsyento ro nagbaton it 2nd booster.
Kahapon, naglista ro Australia it 1,202 nga bag-ong kaso it COVID-19 kung siin 11 ro patay ag 40 ro presenteng nagabilin sa Intensive Care Unit (ICU).
Sa kabilugan, naga-abot eon sa 10,275,681 ro nagpositibo umpisa kat magpanaeasa ro pandemya.
