-- ADVERTISEMENT --
Nagapangatubang sa kasong sekswal nga pagpang-abuso ro beteranong Australian broadcaster ag dating Wallabies coach nga si Alan Jones, matapos sigon nga abusuhon ro pitong eaeaki ag 17-anyos nga miron.
Naaresto ro 83-anyos nga si Jones sa anang apartment sa Sydney ku Lunes it agahon.
Kadungan kara, naghimo it search operation ro mga imbestigador halin sa New South Wales (NSW) Police Child Abuse Squad sa anang baeay sa printe it harbour, kun siin nakumpiska ro pilang electronic devices.
Si Jones, nga kilaea bilang sangka pinaka-maimpluwensiyang personalidad sa media it Australia, hay gin-akusahan eun ku 2023, apang ginpamalibaran nana ro mga alegasyon nga unang naipublished sa The Sydney Morning Herald.
