ALTAVAS, Aklan — Patay ro sangka lola nga may sakit matapos nga magtuhaw ro sunog sa andang baeay, bandang alas-5:00 it aga-aga it Sabado de Gloria, Abril 19, 2025 sa Brgy. Man-up, Altavas.
Nakilaea ro biktima nga si Flora Palmani, 78, nga nakulong sa andang baeay sa nasambit nga lugar.
Base sa report, may sakit si Flora ag daywa eamang sanda it anang manghud nga si Nenita Palmani, 73-anyos sa andang old house kat magtuhaw ro sunog.
Himo sa mixed materials ro baeay ag medyu may kalumaan eon rason nga madasig nga nagkalhit ro kaeayo.
Base sa inisyal nga imbestigasyon, ginpahayag it Bureau of Fire Protection (BFP-Altavas) nga masyado eon nga mabahoe ro kaeayo pag-abot nanda sa lugar.
Umabot sa ikaywang alarma ro sunog nga gin-respondehan it BFP-Balete ag Batan.
Ginpahayag dugang nga gintinguhaan pa it andang kaeapitbaeay nga maeowas ro daywa, apang owa eon natabangan si nanay Flora nga ginasugid nga bedridden.
Sa mayad nga swerte ag maeaka ro mga panimaeay rason nga owa eon it iba pang baeay ro nadaeahig.
Sa makaron hay padayun pa nga gina-imbestigahan ro ginhalinan it sunog ag kabilugan nga kahalitan kara.
