Makit-an gihapon ro presensya it mga Badjao sa banwa it Kalibo nga nagapakalimos, nagatao it sobre ag naglibot-libot.
Bangud kara, nagahimo it monitoring, pagbisita sa mga ilistaran ag paghimo it profiling sa mga nasambit nga indibidwal ro mga kapulisan it Kalibo Municpal Police Station.
Pahayag ni Sangguniang Bayan Member Ronald Marte nga andang plano hay magsueat sa taeatapan it bus company agud nga indi pasakyon ro mga Badjao paadto sa Kalibo.
Raya sigon hay mga bag-ong itsura apang may mga nagabalik man halin sa mga dati nga ginpauli eun.
Matandaan nga may mga ginpadaehan ro mga Badjao it andang ginpanglimusan nga kwarta bangud kara duda man sanday Marte nga may sindikato sa likod kara bangud nga negosyo eun ro guwa sa naubra it mga raya.
Pag-engganyo man ni Marte sa pumueoyo nga indi eun pagtaw-an it kwarta ro mga Badjao.
Paniguro it konsehal nga andang tinguhaan nga hipigan ro seguridad it mga pumueoyo kontra sa mga Badjao bangud nga ro mga kapulisan ag barangay sigon hay padayon ro pagbantay nga ginahimo.
