KALIBO, Aklan—Ginpakita kay Department of Environment and Natural Resources (DENR) Secretary Roy Cimatu ro bag-ong desinyo it clustered sewage treatment plant (STP) nga ginhimo it sangka dumueoong kompaniya para sa isla it Boracay.
Sa ginpatigayong occular inspection, ginpaboran ni Cimatu ro desinyo it STP nga makit-an sa Barangay Balabag, Boracay.
Nauna kara nga ginproponer it sekretaryo ro pag-angkon it clustered STP para sa mga maisot nga hotels, resorts ag iba pang kabaeayan matapos masapwan ro mga nakaeobong nga iligal nga tubo nga nagapaguwa it mahigkong tubi sa dagat ko nagtaliwan nga dag-on sa katung-anan it rehabilitasyon ag paglimpyo sa isla.
Ro mga maeagkong hotels nga may 50 kuwarto pataas hay obligadong makaangkon it kaugalingong STPs.
Ro proposisyong clustered STP para sa Boracay hay pilot project it Guangdong Xindayu Environmental Technology Company sa isla.
