SANGKA hagna ro gindihon ni Rep. Bro. Eddie Villanueva it CIBAC Party-list pinaagi sa House Bill No. 8262 ukon pagbawae sa mga pamatan-on nga owa pa it 16 anyos sa paggamit it social media.
Tuyo it nasambit nga proposed bill nga baeabagan ro mga social media platforms sa pagpagamit kara it mga pamatan-on ag masiguro nga una sa tamang edad ro nagaparehistro.
Suno kay Villanueva, ro nasambit nga hagna hay gindesinyo agud maproteksyunan ro mga pamatan-on sa bisyo, makahaealit nga content ag online dangers.
Kaibahan man nga magaturo ro mga ginikanan ag mga manugturo sa eskwelahan sa eowas nga paggamit it internet.
Nakataeana nga iga-review ro hagna sa House Committee on Welfare of Children.
Nasayuran nga ro kapareho man kara nga laye nga ginapatuman eon sa ibang nasyon kapareho it Australia, France, ag Spain.
