-- ADVERTISEMENT --

Naglista it bag-ong Guinness World Record ro 43-anyos nga Polish stuntman nga si Stanisław Madej matapos mag-zipline it may habang 568 feet ag 6.8 inches samtang nga nagakaeayo ro anang bilog nga eawas.

Ginpatigayon ni Madej ro peligrosong stunt ko Oktubre 3 sa Łódź, Poland, bilang selebrasyon sa ika-10 anibersaryo it Tyrolka w Manufakturze zip line sa Manufaktura complex.

Suno kay Madej, gumamit imaw it espesyal nga eambong nga panagang ag ginpahiran it water-based gel agud nga maprotektahan ro anang eawas kontra sa sobrang init. Mas ginpili man nana nga indi magsuksok it maskara agud nga direktang ma-expose ro anang itsura sa kaeayo.

Matapos makumpleto ro rekord, insigidang ginpatay it anang support team ro kaeayo.

Ginpamilit ni Madej nga eubus nga peligroso ro kaeayo ag nagakinahangean it eubus nga pagdahan, konsentrasyon ag pag-respeto kara bangud nga pwede raya nga indi ma-kontrol anumang oras.

-- ADVERTISEMENT --