Ginpakita it Miss Universe Philippines ro bag-ong korona nga pagasuksukon it magadaog sa kumpetisyon makaron nga dag-on.
Ginbalandra it Miss Universe Philippine organizations ro “La Mer en Majesté Crown” nga may golden South Sea pearls.
Nagasimbolo sigon ro nasambit nga korona sa manggad it kaeawran it nasyon ag ro bag-ong tiara hay nagarepresentar sa relasyon it Filipinos sa palibot.
Kaibahan it organisasyon ro Jewelmer nga naghimo it bag-ong korona.
Ro magadaog hay magabueos kay Beatrice Gomez it Cebu nga nagtapos sa pang-limang puwesto sa kakatapos nga 70th Miss Miss Universe nga ginpatigayon sa Israel ko nagtaliwan nga dag-on.
Igapatigayon ro coronation night sa maabot nga Abril 30 kon siin napiling host sanday 2015 Miss Universe Pia Wurtzbach, 2016 Miss Universe Iris Mittenaere it France ag 2017 Miss Universe Demi-Leigh Tebow.
