Gin-uyog it magnitude 6.3 nga linog ro Baganga, Davao Oriental adlaw it Martes, Hunyo 24, suno sa Philippine Institute of Volcanology and Seismology (Phivolcs).
Suno sa Phivolcs, natabu ro linog nga may 34 kilometro nga daeum bandang alas-9:58 it agahon.
Nakita ro epicenter kara sa naaminhan-nasidlangan nga katubian it banwa it Baganga.
Napabalita man ro Intensity III sa Bislig City, Surigao del Sur; ag sa mga banwa it Tarragona ag Boston sa Davao Oriental.
Nabatyagan ro Intensity II sa Lingig, Surigao del Sur; Baganga, San Isidro, Mat Cityi, Manay, ag Caraga sa Davao Oriental; Glan, Sarangani; Tagum City, Davao del Norte; Davao City; Santa Cruz, Davao del Sur; ag Tulunan, Cotabato.
Batyag man ro Intensity I sa Barobo ag Tagbina sa Surigao del Sur; Governor Generoso ag Cateel sa Davao Oriental; Digos City, Davao del Sur; ag M’lang, Cotabato.
Ginaeauman ro mga aftershock matapos ro linog suno pa sa Phivolcs.
