Tumama sa nasidlangan nga baybayon it Taiwan ro Bagyong Gaemi kon sa siin ro syudad it Hualien ro unang naapektuhan it bagyo nga ginakabig nga pinakamabaskog sa sueod it waeong dag-on.
Suno sa mga opisyal it Taiwan, daywa ro kumpirmadong patay ag ginatos ro naninahan.
Kanselado man ro pinakamabahoe nga dag-unang military drills it isla, haeos tanan nga domestic flights ag 200 international flights suno sa Ministry of Transport.
Nagpaandam man ro mga awtoridad nga posibleng magresulta it landslide ag flash flooding ro bagyo kapin eon sa mga bukid nga naapektuhan it mabaskog nga linog ko buean it Abril.
Antes pa man tumama sa Taiwan, nagdaea it uwa it untat nga pag-uean ro Bagyong Gaemi nga gintawag nga Bagyong Carina sa Pilipinas nga nagresulta it maeapnagong pagbaha sa Maynila.
Angot kara sa Taipei hay nag-panic buying ro mga tawo sa mga supermarket ag ginpapig-od it gobyerno ro weeklong Hang Kuang military drills.
