Nakasueod eon sa Philippine Area of Responsibility (PAR) ro tropical Pulasan ag raya hay pinanga-eanan nga Helen. Suno sa PAG-ASA, 6:30 kabie nakasueod it PAR ro nasambit nga bagyo.
Bangod kara mas pabaskugon pa it bagyong Helen ag bagyong Gener ro Southwest Monsoon o habagat. Ro nasambit nga bagyo hay ulihing namonitor nga may 1,260 km East sa Extreme Northern Luzon ag naghueag sa kabaskog nga 85 km/h maeapit sa tunga, ag pagbugso nga naga abot sa 105 km/h.
Raya hay nagahueag pa West Northwestward sa 25 km/h. Ro Southwest Monsoon mat a nga pinabaskog ni bagyong GENER ag HELEN hay magadae it mabaskog nga dapyo it hangi sa mga lugar it Zambales, Bataan, Pampanga, Bulacan, Metro Manila, CALABARZON, MIMAROPA, Bicol Region, Visayas, ag Mindanao.
Kainang Alas tres it aga-aga ro TROPICAL DEPRESSION (formerly “GENER”) hay ulihing nakit-an sa guwa it PAR sa eayo nga 405 KM WEST OF BACNOTAN, LA UNION daea kara ro kabaskog it hangin nga 55 KM/H maeapit sa sentro ag pagbugso nga naga abot sa 70 KM/H raya hay nagahueag pa WEST NORTHWESTWARD sa 25 KM/H.
