-- ADVERTISEMENT --
KALIBO, Aklan – – – Patay sa atake sa tagipuso-on ro sangka turistang Amerikano samtang naga bakasyon sa isla it Boracay.
Gin padangat sa sangka klinika apang, owa eon naisalba pa ro biktimang si Roben Nieves Acevedo, 56, sangka American national ag temporaryong naga estar sa sangka hotel sa Station 1, Brgy. Balabag, Boracay.
Base sa report it Boracay Tourist Assistance Center (BTAC), kahapon pa nakabatyag it pagsakit it dughan kun siin gintaw-an raya it first aid it sangka staff it hotel agnaging stable man ro anang kundisyon.
Apang, nasapwan eon lang raya nga owa eon it kabuhi sa anang kwarto.
Gina patihan nga gin atake raya it anang masakit samtang naga katueog.
-- ADVERTISEMENT --
