Sa Nobyembre nakataeanang ipatuman ro full face-to-face classes sa tanan nga elementary ag secondary schools.
Sa makaron, ginhalo nga face to face classes ag online classes ro ginapatuman bilang pagpahaum sa full F2F classes sa tanan nga pampubliko ag pribadong eskwelahan.
Nauna eon raya nga ginmandu it Department of Education (DepEd) nga naghambae nga kinahangean eon nga makabalik sa normal nga pagtu-on ro mga estudyante nga naapektuhan it natabu nga pandemya.
Apang posibleng bangud sa mga nabaton nga report nga may mga ginatamaan eon it COVID sa mga eskwelahan rason nga posibleng uman nga ginbuksan ro nasambit nga isyu.
Mismong si Vice President ag Department of Education (DepEd) Secretary Sara Duterte ro naghambae nga gina-istoryahan eon sigon it Gabinete ro posibleng extension it blended ukon distance learning.
Posibleng anumang adlaw hay igatau eon nanda ro andang report ukon rekomendasyon sa Pangueo angot kara.
Kabay nga matutukan man ro bakuna sa mga unga nga estudyante nga sangka epektibong proteksyon nga pangsukoe sa virus.
Sa makaron hay medyu manaba pa ro numero it mga protektadong estudyante bukon eamang sa COVID kundi maging sa iba pang sakit
Sa report it World Health Organization ag United Nations Children’s Fund (UNICEF) sobrang manaba ro routine immunization coverage it unga sa nasyon.
Pabaskugon pa ro pediatric immunization sa nasyon, eabi pa ag nagataas eon man ro nakakaangkon it tipdas sa mga unga nga bukon it maeayo nga magaresulta sa outbreak.
