KALIBO, Aklan— Ginatumod eon it Numancia Municipal Police Station ro rason it pagkamatay it sangka eaeaki nga nasapwan nga hubeas ag duguan nga nakahapa sa sueod it andang baeay, agahon it Miyerkules, Agosto 7 sa Brgy. Laguinbanua East, Numancia.
Ginkilaea ro biktima nga si Niel Igtanloc, sa legal nga edad, grader operator it Provincial Engineering Office ag residente it nasambit nga Lugar.
Suno sa report it kapulisan, nakit an ro bangkay it biktima sa sueod it anang baeay pasado alas 10:00 it agahon.
Sangka concerned citizen ro nagpahisayod sa pulis nga may nasapwan nga bangkay sa Lugar nga insigida man nga gin respondehan it kapulisan ag MDRRMO-Numancia.
Ginpahayag it pilang kaeapitbaeay nga owa man masyadong nagaguwa ro biktima sa andang baeay ukon nakikipag inuman bangud sa anang sakit nga eubat.
Ginsugid nga naga isaeahanon eamang ro biktima sa sueod it anang baeay bangud nga ro anang misis hay nag agto sa Metro Manila sa andang unga.
Posible sigon nga inatake raya it anang sakit nga hypertension.
Gindaea eon ro anang bangkay sa sangka funeral home agud nga ipaidaeum sa autopsy.
