Kalibo Aklan——Bangud sa kahilungon, sangka motorista ro naaksidente sa ginamanehong motorsiklo sa pakurbada nga porsyon it Provincial Road nga sakop it Brgy. Andagao, Kalibo.
Insigidang gindaea sa Aklan Provincial Hospital ro biktima nga nakilaea kay Richard Matanga, 35-anyos, residente it Pastrana Street, Brgy. Poblacion, Kalibo matapos nga mag-angkon it kahalitan sa eawas kasunod it aksidente.
Base sa inisyal nga imbestigasyon it Kalibo Police Station, halin sa direksyon it Brgy. New Buswang ag paadto sa Brgy. Andagao si Matanga pasado alas 9:00 kabi-i.
Kung sa siin pag-abot kara sa pakurbada nga porsyon it nasambitang daean hay nadueaan imaw it kontrol sa ginasakyang motorsiklo rason para imaw hay sumimplang sa karsada.
Sa makarun hay nagapabilin pa nga confined sa nasambitang ospital si Matanga samtang sa paghinakop eon man it Kalibo Police Station ro anang motorsiklo para sa nagakaigo nga disposisyon.
