KALIBO, Aklan — Nagapadayun ro imbestigasyon it Bureau of Fire Protection ukon BFP-Numancia sa gintunaan it grass fire ko Biyernes it hapon sa Brgy. Sugnod, Malinao .
Suno kay FO1 Ariel Villareal nga madasig nga nagkalhit ro kaeayo sa nabukid nga portion it lugar bangud nga mag-eowas nga mainit ro tiempo hay mabaskog pa ro huyop it hangin .
Gintinguhaan sigon nanda nga indi eon maka-abot ro kaeayo sa mga panimaeay sa naubos nga parte it bukid.
Ginatantiya nga naga-abot sa 10 ektarya ro kaeaparon it natupok it kaeayo nga mga kakahuyan nga nakatanum sa lugar.
May pilang witness sigon ro nagguwa ag naghambae nga may naobserbahan nga may nagsuga sa lugar ag posibleng napabay-an rason nga nag-eapad ro kaeayo .
Maswerteng owa man it baeay ro nadaeahig sa sunog .
