KALIBO, AKLAN — Sangka 23 anyos nga eaeaki ro nabun-an it anang katrabaho matapos nga magkusnutan nga nagresulta sa pilikunan sa Cagban, Manocmanoc sa isla it Boracay.
Ro biktima nga insigidang gindaea sa provincial hospital hay nakilaea kay Ronnie Awhagan, residente it Negros Occidental ag temporaryong naga-istar sa nasambit nga lugar.
Imaw hay nag-angkon it pitong tama it ice pick.
Samtang, ro ginaturo nga suspek hay si Rodson Ronelioa, sa legal nga edad ag katrabaho it biktima sa sangka baealigyaan it pintura.
Suno sa biktima nga nagsueunlugan sigon sanda it suspek, apang raya hay napikon.
Owa nana ginaeauman nga sa anang pagtueog hay ginsundan it suspek ag ginbinuno gamit ro ice pick nga sa mayad nga swerte hay puro manabaw ro nina nga anang naagum.
Samtang, bukon it interesado ro biktima nga pasakaan it kaso ro suspek bangud nga mag-eowas sigon nga magkatrabaho hay suod man sanda nga mag-amigo.
