MALAY – Gin-istoryahan sa pueong it barangay council sa Barangay Caticlan ro house to house nga paglimpyo sa tanan nga sitio kontra sa nagatinaas nga dengue cases sa banwa it Malay.
Pahayag ni Brgy. Kapitan Rannie Tolosa it nasambitan nga baranagay nga raya hay 2 ukon 3 beses ginahimo ag may anda nga Barkadahan sa Paglinis sa Barangay agud masukean ro mga namok.
Sigidas man ro andang kampanya parte kara agud indi eun mag’abo pa samtang padayon ro monitor it MHO Malay.
Padayon man ro andang pagtutok sa may bahin it Tabon baybay ag bukid pati man ro Minoro.
Ginlaygay man nana nga kun may mga sintomas hay magacheck up eagi agud maagapan kun siin mga inunga hasta pamatan-on ro mas naga-angkon it dengue apang indi man mabalibaran ro mga may edad ukon magueang.
Gintan-aw nga pagbaylo it tyempo ro rason eabi eun makaron nga tag-euan nga mahimo may maimbak nga tubi nga pagabaeayan it namok ngani gina-engganyo nana ro tanan nga maglimpyo.
Padayon man ro information dessimination nga naubra nanda ag maglimpyo kun siin kinahangean sigon ro bulig it barangay.
Samtang, bilang Liga ng mga Barangay President hay may anda nga paeaabuton sanda nga pueong kaibahan ro mga MHO, barangay kapitan ag alkalde it mga lugar nga may dengue cases ngani nga may mga mitigating measures man sigon kanda nga ipaabot.
