Nagpanawagan si Punong Barangay Royden Perlas it Albasan, Numancia sa sambilog sa andang residente nga makipag-angot sa andang konseho agud nga magpaathag angot sa isyu nga anang ginakaeakutan partikular ro ginasugid nga pagpang scam sa sangka turista sa Isla it Boracay.
Nasayuran nga si Mr. Jess Yuson Magpusao, residente it nasambit nga lugar hay gina alegar nga nagpakilaeang tour coordinator nga naggamit it peke nga uniform ag ID it sangka travel and tours nga naga-operate sa isla agud nga makapang-scam it kapin sa P18,000 sa sangka turista.
Suno kay Kapitan Perlas nga gusto nanda nga mabo-oe ro pahayag ni Magpusao sa matuod-tuod nga natabu.
Sa andang pag-usisa partikular ro pag agto sa baeay ni Magpusao, ginpahayag it anang pamilya nga antes nga nag-eupok ro kontrobersiya hay naka uli pa raya sa andang baeay, apang hasta makaron hay owa eon nakabalik pa.
Samtang, naka-istorya eon sigon nana ro nagpakilaeang biktima kun sa siin hinyu nanda nga mabawi ro kwartang anang ginbayad kay Magpusao.
Tuyo man sigon it andang konseho nga mabuligan nga maprotektahan ro sektor it turismo sa Boracay.
