KALIBO, Aklan — Sa pihak it napabalita nga pagbukas eon it Department of Public Works and Highways (DPWH) sa mga bidders para sa P5.48 billion nga Boracay bridge project, nagapabilin nga blangko ro barangay council it Caticlan sa nasambit nga proyekto.
Suno kay Punong Barangay Ralf Tolosa it Caticlan, Malay nga owa it nagakaigo nga consultation nga ginhimo ro DPWH sa LGU-Malay, barangay council ag iba pang stakeholders ag sanda sanda eamang sigon ro naga-istorya idtu sa Metro Manila kaibahan ro proponent it proyekto nga San Miguel Corporation.
Ro ginaproponer nga 2.54-kilometer nga tulay hay magakonekta sa mainland Malay ag Isla it Boracay sa idaeum it 30-year concession pinaagi sa Public-Private Partnership Code of the Philippines.
Tuyo sigon it proyekto nga mas pang mapadasig ro pagsueod-guwa it mga commuters, solid waste, goods ag supplies sa isla.
