NIGERIA – Sangka Lagos, Nigeria ro nakalista it world record bangud sa madasigan nana nga pagbueog it skin fade haircut sa limang tawo!
Ginkumpirma it records keeping organization nga Guinness World Records nga ro 26 anyos nga si Owoyemi Qudus Adebayo ro pinakabag-ong record holder it titueong “fastest time to complete five skin fade haircuts”, raya hay matapos nana nga buegan it buhok ro limang tawo sa sueod it 14 minutes and 56 seconds.
Ginhiwat ro record attempt ni Adebayo sa campus grounds it University of Llorin kung kun siin imaw nagtuon it statistics.
Samtang ginahiwat ro record attempt, una sa audience ro mga schoolmates ni Adebayo pati ro pilang opisyal it unibersidad.
Suno sa vice chancellor it unibersidad nga si Wahab Egbewole, sobrang proud imaw kay Adebayo bukon eang it bangud sa Guinness World Record kara, pati man sa pagiging mahugod kara nga working student nga ginkaya nana ro malisod nga course karang statistics ag pagiging manugbu-eog.
