Nasunog ro sangka barracks sa Poblacion, New Washington, Aklan ku Agosto 8, 2026, nga ginapatihan nga naghalin sa electrical connection.
Suno kay FO3 Enrico Nam-ay, Acting Chief of Operations it BFP New Washington, uwa it tawo sa barracks dahil Sabado ag nag-uli ro mga trabahador.
Sa inisyal nga imbestigasyon, nakita nga nagaspark ro service drop ukon linya it kuryente paaadto sa barracks.
Posible nga nagresulta raya sa pagtaas ag pagnaba it boltahe nga ginsabayan pa it uean.
Human sa light materials ro barracks, may pawod nga atop ag sangkiri nga sim, ag may tatlo ka division.
May sueod man nga double-deck nga human man sa light nga materyales.
Gin-estimar sa P55,000 ro danyos sa 100 square meter nga istruktura, samtang rice cooker ag mga gamit it trabahador ro mga sueod kara.
Uwa man nadamay ro mga baeay sa likod it barracks.
Suno kay Nam-ay, raya ro una nga sunog sa New Washington para sa buean it Agosto.//
