KALIBO, Aklan–Bukon it pabor ro grupong Bagong Alyansang Makabayan ukon Bayan-Aklan sa ginpagguwa nga Department Order No. 49 it Department of Education (DepEd).
Nakabaehag sa mandato nga ginabawaean nga makipag-istorya ukon magbilog it anumang relasyon sa mga estudyante ro mga manugturo ag DepEd personnel sa guwa it eskwelahan.
Suno kay Kim Sin Tugna, OIC Coordinator it Bayan-Aklan nga makabig eon nga pangaywang ginikanan it mga estudyante ro mga manugturo rason nga owa nagakabagay ro pagpagguwa it nasambit nga mandato.
Mas dapat sigon nga tutukan it DepEd kung paano resolbahon ro mga problema angot sa kakueangan it pasilidad, learning materials ag sweldo it mga manugturo.
Matueopangdan nga gin-uean it nagkaeain-eain nga reaksyon ro bag-ong mandato it taeatapan halin sa pilang sektor kung siin maabu ro owa nagapabor.
