-- ADVERTISEMENT --
KALIBO, Aklan–Owa it interes ro grupong Bagong Alyansang Makabayan ukon Bayan-Aklan nga pamatian ro magiging mensahe ni Pangueong Ferdinand “Bongbong” Marcos Jr. sa igapatigayun nga ikaywang State of the National Address (SONA) kara sa Hulyo 24.
Ginpahayag ni Kim Sin Tugna, Provincial Coordinator it Bayan-Aklan nga siguradong puro kapurilan eamang ro igasugid it pangueo sa anang SONA.
Klaro sigon nga owa nagaka-angay ro polisiya ag programa it gobyerno sa interes it mga Pilipino.
Ginpunto ni Tugna ro maeuya nga health care system, edukasyon, reporma sa eugta ag ro padayun nga pagtaas it mga baeak-eon.
Raya sigon hay pila eamang sa mga mabahoe nga problema nga ginapangatubang it nasyon nga hasta makaron hay owa pa masabat it administrasyon.
-- ADVERTISEMENT --
