KALIBO, Aklan–Suportado it progresibong grupo ro ginkasa nga sang domingo nga transport strike nga nag-umpisa makaron nga adlaw it Lunes Marso 6 hasta Marso 12 agud nga baeabagan ro ginaduso nga PUV modernization program it gobyerno.
Suno kay Kim Sin Tugna, Provinvial Coordinator it Bayan-Aklan nga kabay nga mataw-an it atensyon it gobyerno ro importansiya it mga saeakyan sa nasyon.
Samtang, ginbatikos man kara ro pahayag ni Department of Education Secretary ag Vice President Sara Duterte nga ro welga hay nagadugang eamang sa problema it nasyon kamana man nga naka apekto sa education system bangud sa pagkansela it klase it pilang eskwelahan.
Ginpamilit ni tugna nga sa kamatuoran, ro gobyerno ro owa it gina obra nga aksyon agud nga maging maayos ro sistema it edukasyon sa Pilipinas.
Ginpunto kara ro kawad-an it classrooms ag mga kagamitan it mga estudyante.
Sa baylo maabu pa sigon nga mga estudyante nga may ginikanan nga drivers ag operators ro nagasuporta sa transport strike agud nga maipaabot ro andang mga reklamo
