Nagpatigayon it protesta ro grupong Bayan Panay sa mismong edipisyo it Commission on Elections ukon Comelec sa syudad it Iloilo.
Suno kay Elmer Forro, secretary general it nasambit nga grupo, naging madata ro anomaliya sa ginpatigayon nga eleksyon ko adlaw it Lunes.
Mag-eowas sa mga reports nga nabaton nga may inde mabasa nga ballota, may una man nga uwa nag-appear sa andang resibo ro mga individual nga andang ginbotohan.
Panindugan pa ni Forro nga may anomaliya nga natabo rason nga panawagan nanda sa komisyon nga sabton ro andang mga kutana ag kinahang-ean nga maging high breed eon ro mga masunod nga eleksyon.
Kinahang-ean nga ipabilin ro pagkasgrado it boto it kada isaea rason nga ginaduso nanda nga huyapon raya manually para sa check and balance ag transparency it mga aktibidad.
Suno pa kay Forro, nataeopangdan man ro kawad-an it sistema sa pagboto ag ro pagpalya it Automated Counting Machines (ACMs) sa maabong parte it nasyon.
