KALIBO, Aklan–Uman nga ginbatikos it grupong Bayan-Panay ro kawad-an it aksyon it gobyerno sa padayun nga pagtinaas it presyo it produktong petrolyo sa nasyon.
Suno kay Bryan Bosque, Regional Chairperson it Bayan-Panay nga mabuhay eon nga nagapabungoe-bungoe ro gobyerno sa panawagan it nagkaeain-eain nga grupo angot sa pagbaeay it nagakaigo nga tikang para solusyonan ro domino effect it pagtaas it petrolyo sa mga nagapangunang baeak-eon ag serbisyo.
Ro ginatao sigon nga fuel subsidy it gobyerno sa pilang ka mga sektor hay bukon it bastante para pun-an ro kinahang-eanon ag kalisod it mga pumueoyo.
Nagakadapat eamang sigon nga maghueag eon ro gobyerno eabi eon sa pagsuspendi it excise tax agud nga mabawasan ro epekto it pagtaas sa presyo it langis.
