Bea Alonzo, ginpakita ro habakae nga  sariling apartment sa Spain 

Masadya nga ginpakigbahain it aktres nga si  Bea Alonzo ro habakae nga  apartment sa Madrid, Spain.

Sa anang pagbisita sa nasambit nga nasyon ro tyempo man it anang pagbakae sa nasambit nga apartment.

Raya hay kaparte it anang  ika-100 nga video sa anang YouTube channel.

Suno pa sa aktres nga handum gid nana magkabaeay sa Europe.

Dugang pa ni Bea nga sa pilang dag-on nga pagtrinabaho, nagdesisyon ro aktres nga padayunon eon ro handum nga pagbakae it apartment.

Sa pihak nga parte, sa  an-um nga apartment nga anang gintan-aw, nakapili sigon imaw it may elevator nga para gid sa anang nanay ag sa mga onga nga kaibahan sa baeay.