Uman nga nakabaton it patutsada ro aktres nga si Bea Alonzo halin sa batikang Showbiz columnist ag Talent Manager nga si Manay Lolit Solis.
Owa pa gihapon ginapunduhan ni Manay Lolit ro aktres kung siin, ginahueat kara nga depensahan si Bea it anang mga fans, team ag manager para sa anang imahe.
Suno kay Lolit, nagakangawa imaw kung ham-an indi mahimo nga depensahan ro aktres it anang team mag-euwas sa pagpa-cancel sigon it mga Presscon nga bukon man it sanda ro naga-gastos.
Gipahayag pa it Kolumnista, nau-uyang eang ro produktong gina-endorse ni Bea bangud sa power-tripping it anang team.
Dugang pa kara nga masyadong nagiging ilusyonada si Bea ag nakalipatan eon sigon kara nga tumapak sa eugta.
Una eon nga ginpatutsadahan ni Manay Lolit si Bea angot sa lovelife ag pagiging laos kara sa showbiz apang dedma eamang ro aktres.
