KALIBO, Aklan–Indi eon maggamit it paeupok sa pagsug-aeaw sa bag-ong dag-on.
Raya ro uman nga panawagan it Bureau of Fire Protection ukon BFP New Washington sa publiko bilang pagpadumdum sa maeain nga epekto kara sa mga tawong magagamit it paeupok agud nga makatuga it sangag sa pag-welcome sa bag-ong dag-on.
Suno kay FO1 Diana Mae Odango Public Information officer it BFP New Washington nga nagiging delikado pa sigon sa mga tawo ro pagpaeupok bangud nga magaresulta eamang raya sa pag angkon it nina ag eabaw sa tanan hay ro sunog.
Ginpamilit kara nga mas mayad nga maggamit eon lang it mga alternatibong pamaagi agud nga makaselebrar it masadya ag eowas.
Samtang, ginkumpirma man ni FO1 Odango nga kapareho ko nagtaliwan nga dag-on hay owa it may nag-apply sa andang taeatapan agud nga maging seller it paeupok sa nasambit nga banwa.
Mas gusto sigon it mga residente nga direktang magbakae it mga paeupok sa banwa it Kalibo.
