Ginpasiguro it Bureau of Immigration nga naka full alert ro tanan nandang mga tawuhan sa Ninoy Aquino International Airport ag sa tanan nga ports of entry ag exit sa bilog nga nasyon makaron nga holiday season.
Suno kay Immigration Commissioner Joel Anthony Viado, raya hay agud nga masiguro nga magiging malinong ag matawhay ro biyahe it mga pasahero sa mga paeoparan ag mga pantalan nga makaeagas nga makauli sa andang tagsa ka mga probinsya.
Paathag ni Viado, haom eon ro andang mga tawuhan sa ginaeauman nga buhos it mga pasahero.
Nagpatuman eon man ro andang ahensya it ‘No Leave Policy’ sa tanan nga mga frontline personnel halin ko December 15 ag magatapos hasta sa January 15.
Nakadeploy eon man ro andang mga tawuhan sa NAIA, paeoparan sa Clark, Mactan, Davao ag Kalibo ag sa Zamboanga international seaport.
