KALIBO, Aklan—Target it Boracay Inter-agency Task Force nga matapos ro andang implementasyon it nagakaigong rules and regulations kamana man ro pagtukod it mga proyekto antes nga matapos ro andang ginpaeawig pa nga termino hasta Hunyo 30, 2022.
Suno kay Director Natividad Berdandino it Boracay Inter-agency Task Force nga kapin pa eamang sa 80% ukon 271 maghalin sa 339 na establisyemento sa Boracay ro compliant sa “25 + five-meter beach easement,” samtang 83% man ukon 1,017 maghalin sa 1,230 it kabilugang nga edipisyo ro compliant sa “12-meter road easement.”
Dugang pa kara ng pagataw-an man nanda it atensiyon ro pagpadayun sa circumferential road ag mas maayos nga drainage system.
Madumduman nga ko nagtaliwan nga dominggo hay nagpagguwa it sangka Executive Order si Pangueong Rodrigo Dutert kung sa siin ginpaeawig pa ro andang termino agud nga pangunahan ro rehabilitasyon ag masiguro ro ecological sustainability it isla.
