USA – Opisyal nga ginbaeabagan ni Pangueong Joe Biden it Estados Unidos ro pag-takeover it US Steel it sangka mas mabahoe nga kompanya it Hapones, ro Nippon Steel, sa rason nga mahimo raya magdaea peligro sa pangpungsod nga seguridad ro ginapag-iyahan it dumueong.
Ro kontrobersyal nga desisyon hay nag-abot sang dag-on matapos gin-anunsyo it Nippon Steel ro $14.9 bilyong (₱12 bilyon) kasugtanan, nga ginatawag kara nga lifeline para sa mas maisot kara nga kakompetensya nga nakabase sa Pennsylvania.
Apang, insigida nga nagpangatubang sa problema ro transaksiyon matapos umalma ro mga lider it United Steelworkers union sa kasugtanan, nga nagdaea it grabeng presyur sa pulitika sa sangka importante nga estado samtang nagahilapit ro eleksyon sa pagkapangueo sa 2024.
Ku ulihi nagdesisyon si Biden nga daeayon nga kanselahon ro kasugtanan sa pihak it kabaeaka it pilang manuglaygay nga mahimo maapektuhan kara ro kaangtanan it Washington sa Tokyo, nga sangka importanteng kaalyado.
