POLICE Report — Sangka menor de edad ro namatay samtang daywang iba pa ro naninahan matapos nga magbueungguan ro sangka tricycle ag motorsiklo sa Infanta-General Nakar road, Barangay Comon, Infanta, Quezon.
Nakilaea ro namatay nga si alyas Shem, 17 anyos, residente it Purok Ilaya Barangay Catablingan, General Nakar, nga imaw ro nagamaneho it tricycle.
Naninahan man ro mga sakay it nakabungguan kara nga motorsiklo nga sanday Joshua Ducot Juniosa, 17 anyos ag Leonell Briones, 16 anyos, mga residente it Infanta, Quezon.
Suno sa kapulisan, bandang alas-12:30 it aga-aga samtang madasig nga ginamaneho it biktima ro tricycle kat gulpi kara nga ginsakop ro linya it motorsiklo rason nga natabu ro insidente.
Sa kabaskog it impact, nag-angkon it mga nina ro tatlo ag insigidang gindaea sa Claro M Recto District Hospital kun sa siin gindeklarang dead on arrival si alyas Shem, samtang sa grabeng kondisyon ro driver it motorsiklo.
Padayun pa ro imbestigasyon it Infanta police sa insidente.
