Gintaeana it Department of Tourism ro Pinay girl group nga BINI bilang bag-ong tourism ambassadors it nasyon.
Suno kay Dita Angara-Mathay, ro kada miyembro it grupo hay naga-representar sa andang natungdan nga mga probinsiya ag banwa rason nga ginaeauman nga makabulig sanda sa pagpakilaea it nagkaeain-eain nga turismo ag kultura it Pilipinas.
Ginpahayag pa it sekretaryo nga may bastante nga kasayuran ro mga miyembro it BINI angot sa mga ginapabugae nga atraksyon ag tradisyon it andang mga ginhalinan rason agud nga maging epektibong tagasakdaog it lokal nga turismo.
Dugang pa ni Angara-Mathay, ginaeauman nga magiging pangmabuhayan ro pagiging tourism ambassadors it grupo bilang kaparte it kampanya it DOT sa pagpabaskog it turismo sa nasyon.
Ginaeakipan ro BINI nanday Jhoanna, Aiah, Colet, Maloi, Gwen, Stacey, Mikha, ag Sheena. Kilaea ro grupo sa mga hit songs nga “Pantropiko”, “Salamin, Salamin”, ag iba pang mga kanta nga naging popular sa sueod ag guwa it nasyon.
