Balik eon sa normal ro operasyon ag biyahe it mga motorbanca maghalin sa Tambisaan Port patabok it Tabon Port.
Raya hay kasunod it paghina it daeang epekto it bagyong Paeng nga sangka severe tropical storm ag owa eon naeakip ro Aklan sa anuman nga storm signal no.
Suno kay Coast Guard Senior Chief Petty Officer Dominador Salvino it PCG-Aklan nga ro biyahe it mga roll-on-roll-off ukon roro vessel maghalin sa Caticlan Jetty port paagto it Batangas, Oriental Mindoro ag Romblon hay nagapabilin nga kanselado bangud sa padayon nga pag-idaeom sa storm signal ro nasambit nga mga lugar.
Ginapahayag dugang pa ni Salvino nga sa makaron hay ginatun-an pa nanda ro operasyon may kaangtanan sa mga water sports activities sa isla it boracay kung temporaryo anay nga pagahalinon sa backbeach ukon padayon nga pagsuspinde kara bangud sa nagapabilin nga mabaskog nga huyop it hangin.
Sa makaron padayon ro ginapatigayon nga monitoring it PCCG-Aklan sa tanan nga kaeawran it probinsya nga sakop it andang area of responsibility
