-- ADVERTISEMENT --
NATIONAL News —- Gin-engganyo it Bureau of Jail Management and Penology (BJMP) ro publiko nga sakdagon ro mga parol nga gin-obra it mga persons deprived of liberty ukon PDL sa sueod it presuhan.
Suno kay BJMP Chief Jail Director Allan Iral, mas makabulig ro publiko kun sa mga preso magabakae it mga palamuti makaron nga Kapaskwahan.
Kaibahan sa mga gina-obra it PDL hay ro mga parol nga himo sa butong, mga colored plastic lantern ag nagkaeain-eain nga klase it paiwag. Ginpahayag ni Iral nga ro magiging kita halin sa pagbakae it publiko sa mga produktong himo it mga PDL ro igasuporta sa andang mga pamilya.
