Nakit-an eon it mga miyembro it ginbilog nga search team ro black box it Azerbaijan Airlines flight J2-8243, ro passenger plane nga bumagbag sa syudad it Aktau sa Kazakhstan.
Ro black box hay sangka plane device nga may sueod it mga impormasyon angot sa flight, airspeed, altitude, oras it biyahe, ag iba pang importanteng impormasyon angot sa biyahe it mga eroplano.
Suno kay Kazakhstan Deputy Prime Minister Kanat Bozumbayev, sangka komisyon eon ro ginbilog agud pangunahan ro imbestigasyon sa plane crash.
Pagausisaon it mga raya ro nakit-an nga black box, kaibahan eon ro iba pang natipon nga parte ebidensiya.
Magabulig man ro nasambit nga komisyon sa pamilya it mga namatay nga pasahero, kaibahan eon ro mga nakaeowas.
Suno pa kay Bozumbayev, nakahaom ro nasambit nga komisyon ag ro gobyerno it Kazakhstan nga makipagbuligan sa mga Azerbaijan authorities nga ginaeauman nga magapatigayon it kaugalingon nga pag-usisa sa insidente.
Sa makaron, nabuoe eon ro tanan nga bangkay halin sa crash site.
Base sa opisyal nga datus it Kazakhstan, 29 katawo ro kumpirmadong nakaeowas, daywa kara hay mga onga.
Umabot sa 38 katawo ro kumpirmadong namatay.
