KALIBO, Aklan – – – Patay matapos gin atake sa tagipuso-on ro sangka Board Member it Negros Oriental samtang naga patigayun it tour sa banwa it Kalibo kainait agahon.
Ro public servant hay gin kilaea kay 2nd District Board Member Atty. Arturo Umbac kun sa siin gin daea pa raya sa sangka pribadong ospital apang, gin deklarang dead on arrival.
Gina sugid nga natabo ro insidente samtang naga panikangon si Umbac sa ASQ Bakhawan Eco-Park kat gulpi eon lang rayang nalipong.
Nasayuran nga naga patigayun it daywang adlaw nga legislative tour ro 83-anyos nga katapo it Sanggunian sa probinsiya it Aklan.
Kaibahan sigon kara ro iba pang miyembro it Sangguniang Panlalawigan ag ro andang bise gobernador nga si Edward Mark Macias nga naga serbe man nga OIC it Office of the Governor.
